Soorte resepte:

Resep-video: Tradisionele klapperys

Tradisionele klapperys (Foto: Maroela Meida/Janie Monsieur)

Jou kinders sal mal wees hieroor terwyl hulle met vakansie is.

Bestanddele

  • 1 blikkie (385 g) kondensmelk
  • 1 pak (500 g) versiersuiker
  • 200 g fyn klapper
  • 5 ml vanieljegeursel
  • 5 ml suurlemoensap
  • sout
  • rooi voedselkleursel

Metode

  1. Meng kondensmelk en suiker saam en mikrogolf twee keer vir 1 minuut op hoog, roer tussenin.
  2. Voeg klapper by en mikrogolf vir nog ʼn minuut.
  3. Gooi vanieljegeursel, suurlemoensap en sout by en roer goed.
  4. Gooi die helfte van die mengsel in ʼn bak en druk vas met jou hande.
  5. Gooi ʼn bietjie rooi kleursel by die ander helfte van die klappermengsel en meng goed. Indien die mengsel te droog lyk, mikrogolf nog ʼn minuut.
  6. Gooi die pienk klappermengsel oor die res wat reeds in die bak is, en druk dit ook vas met jou hande.
  7. Laat dit afkoel, maar sny in blokkies voor dit heeltemal koud is.

Resep: Janie Monsieur

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Resep-video's, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae