Soorte resepte:

Resep-video: Vergeet-jou-dieet-blokkies

Vergeet-jou-dieet-blokkies (Foto: Janie Monsieur/Maroela Media)

Gooi jou dieet dié week by die venster uit!
Lewer 20 blokkies

Bestanddele

  • 250 g botter
  • 500 g versiersuiker
  • 50 g kakao
  • 2 eiers
  • 1 pak (200 g) Mariebeskuitjies
  • 2 x 70 g-boksies Smarties
  • 1 x 150 g-pak klein malvalekkers
  • 2 x 40 g Crunchie-sjokolade
  • 3 x 55 g Bar One-sjokolade
  • 100 g geblansjeerde amandels

Vergeet-jou-dieet-blokkies (Foto: Janie Monsieur/Maroela Media)

Metode

  1. Smelt die botter en sif versiersuiker en kakao daarby in.
  2. Voeg eiers by en meng. Mikrogolf vir 2 minute op hoog.
  3. Maak die Mariebeskuitjies fyn en gooi dit by die sjokolademengsel. Gooi die Smarties, malvalekkers en amandels by. Kap die sjokolades en gooi dit ook in. Hou ʼn bietjie van alles oor vir bo-op.
  4. Meng goed en skep in groot bak. Druk die mengsel vas en gooi die orige Smarties, malvalekkers, amandels en sjokolades bo-op. Verkoel in yskas vir 2 uur of oornag. Sny in blokkies en geniet!

Resep: Janie Monsieur

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Resep-video's, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

Een kommentaar

Anna ·

Ons het gemaak en dit was lekker verby. Baie dankie aan Janie Monsieur vir die lekker resep.

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.