Soorte resepte:

Resep: Vla-roomys

Vla-roomys (Foto: Gunsteling poedings, Lapa)

Probeer gerus hierdie roomys. Dit is immers naweek!

Lewer 8 porsies

Bestanddele

  • 1 blik (385 g) Clover-kondensmelk
  • 2 k (500 ml) klaar bereide vla
  • 1 t (5 ml) vanieljegeursel
  • 1¼ k (375 ml) Clover-room, styf geklits

Opsioneel

  • 100 g fudge, in klein blokkies gesny
  • 100 g Crunchie, gekap
  • 100 g sjokoladeskerfies

Metode

  1. Klits die kondensmelk, vla en vanieljegeursel saam in ʼn mengbak. Vou die room in en meng goed deur. Voeg enige ander bestanddele na keuse by.
  2. Giet die mengsel in ʼn vriesbak en bedek. Vries vir 30 minute en maak dan met ʼn vurk fyn sodat die yskristalle opbreek. Herhaal die stap nog twee keer en laat die mengsel dan ten volle vries.

Bron: Gunsteling poedings

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Avra ·

Ek lief dit om my eie roomys te maak. Het omtrent 15 verskillende resepte

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.