Soorte resepte:

Vanjaar se topdrie-Boerewors-makers is…

James Lebepe, Moses Mathebule en Queen Mathebule. Foto: Verskaf

Vanjaar se topdrie-finaliste in die Championship Boerewors-kompetisie is die naweek aangewys.

Angelique Wagner, woordvoerder van dié inisiatief deur Shoprite Checkers, het Sondag gesê die drie finaliste is Saterdag by top-18-ronde in Kaapstad gekies.

“Die kompetisie was taai, maar die boereworsresepte van Queen Mathebule, van Malamulele in Limpopo, James Lebepe, van Pretoria in Gauteng, en Moses Mathebule, van Lenyenye in Limpopo, het koning gekraai,” het Wagner gesê.

Die topdrie-finaliste se boerewors gaan vanaf 18 Augustus tot 8 September in Shoprite- en Checkers-winkels beskikbaar wees.

“Daarna is dit in die publiek se hande om dit te koop, te proe en vir hul gunsteling in die 25ste Championship Boerewors-titel te stem.”

Die wenner sal op 13 September gekroon word en wegry met ʼn splinternuwe Toyota Hilux 2.8 GD-6-dubbelkajuitbakkie.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae