Soorte resepte:

Resep-video: Eenskottel-aandete

Baie kos, min moeite, minder skottelgoed. Wie sal dan nee kan sê?

Bestanddele

  • 1 rooi soetrissie
  • ½ kop brokkoli
  • 10 sampioene
  • 2 wortels
  • 150 g groenboontjies
  • 3 murgpampoentjies
  • 1 ui
  • 3 vlapampoentjies
  • ½ (400 g) botterskorsie
  • 4 e olyfolie
  • sout en peper na smaak
  • 1 x pak hoenderstukke
  • 5 roosmaryntakkies

SOUS

  • 150 ml olyfolie
  • 1 t knoffelpoeier
  • 1 t paprika
  • 1 t sout
  • 1 t peper

Metode

  1. Sny al die groente op in hapgrootte stukke en plaas dit in ʼn groot oondbak of -plaat. Sprinkel die olyfolie oor en geur met sout en peper.
  2. Pak die hoender rou op die groente.
  3. SOUS: Meng al die bestanddele saam en smeer dit oor die hoenderstukke. Jy kan dit bietjie met jou vingers of ʼn kombuiskwassie invryf.
  4. Pak die roosmaryntakkies op die plaat. Bak vir 40 minute teen 180 °C en sit warm voor.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Resep-video's, Vegetariese geregte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Cherokee ·

Toevallig hierdie resep raak gesien en daarop gekliek want dit lyk lekker. Vegetariese geregte met hoendervleis. So die vegetarieërs cheat ook maar lekker nè :-)

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.