Soorte resepte:

Resep: Warm proteïenpap

Warm proteïenpap (Foto: Lapa-uitgewers)

“Al die banting-/keto-pap wat ek al gemaak het, kon nog nie werklik die lus vir ʼn lekker warm bakkie pap blus nie. Die meeste soorte klappermeelpap se smaak is vir my te tert of dis te droog. Maar hierdie een, hierdie een is perfek,” skryf Armand Aucamp in sy resepteboek, Armand kook kaal.

Lewer 2 porsies

Bestanddele

  • ½ k amandelmeel
  • 1 e klappermeel
  • 2 e vlassaadmeel (bruin of goue)
  • 2 e chiasade
  • 2 eiers
  • ½ k melk
  • ¼ k room
  • 1 t kaneel
  • ½ t vanieljegeursel
  • 3 e erythritol of 6 druppels stevia
  • ½ k vars bessies
  • 1 e botter

Metode

  • Plaas al die bestanddele behalwe die botter in ’n mengbak en klits baie goed saam. Laat dit vir 5 minute staan.
  • Plaas ’n pot oor lae hitte op die stoof en smelt die botter.
  • Giet die papmengsel in die pot en verhoog die hitte stadig totdat dit begin stoom. Dit moenie kook of prut nie. Roer aanhoudend totdat die pap warm word en verdik.
  • Skep die pap in bakkies en versier met vars bessies. Jy kan selfs nog ’n klontjie botter byvoeg indien jy sou wou.

Bron: Armand kook kaal deur Armand Aucamp

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vegetariese geregte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.