Nie almal hou van slakke nie, maar dié slakke is so lekker dat jy dit gaan móét probeer. Kyk hier hoe Lochner die resep maak.
Bestanddele:
- ʼn slakpannetjie
- 6 lietsjies
- 6 slakke
- olyfolie
- bloukaas
- knoffel
- mozzarellakaas
- sprietuie
Metode:
- Pak ʼn lietsjie in elke holte van die slakpannetjie.
- Plaas ʼn slak binne-in elke lietsjie en drup olyfolie bo-oor.
- Krummel ʼn bietjie bloukaas bo-oor elke slak en sit ʼn stukkie knoffel in elke holte.
- Strooi lekker baie mozzarellakaas oor die hele pannetjie.
- Sprinkel sprietuie oor.
- Bak teen 180°C tot alles gesmelt is
Kyk in die video hoeveel van elke bestanddeel Lochner byvoeg, en pas dit gerus aan volgens jou persoonlike behoeftes.
Hierdie video is deel van ʼn reeks kosvideo’s wat Maroela Media saam met Lochner de Kock, bekende Suid-Afrikaanse koskenner, vervaardig. Die video’s word weekliks op Maroela Media gepubliseer. Kyk na al die Hap saam met Lochner-video’s op Maroela Media. – Red
Kyk hier hoe Lochner hierdie resep voorberei: