Soorte resepte:

Hoenderpasteitjies

Foto: 50 beste gebak uit Vrouekeur

Lewer ongeveer 24 pasteitjies

Kors:
500 ML (2 k) koekmeel
knypie sout
5 ml (1 t) bakpoeier
250 g (½ blok) botter
250 ml (1 k) suurroom

Vulsel:
1 hoender, gaar en gevlok
knypie fyn neutmuskaat
2 heel naeltjies
varsgemaalde swartpeper na smaak
500 ml (2 k) hoenderaftreksel
15 ml (1 e) asyn
5 ml (1 t) Worcestershiresous

Stel oond op 180°C.

1. Kors Sif koekmeel, sout en bakpoeier.
2. Vryf botter by koekmeel in tot dit soos broodkrummels lyk.
3. Roer suurroom by en meng tot deeg vorm.
4. Plaas deeg in plastieksakkie en verkoel vir 30 minute in yskas.
5. Rol deeg 3mm dik uit. Druk sirkels met 10cm deursnee uit en voer muffinpannetjies wat met kossproei gespuit is daarmee.
6. Bedek en hou in yskas tot benodig.
7. Vulsel Verhit bestanddele vir vulsel in kastrol tot kookpunt.
8. Draai hitte laer en laat kook tot vloeistof omtrent helfte minder is.
9. Skep deeg in gevoerde muffinpannetjies en plaas “deegdekseltjies” met ongeveer 8 cm-deursnee bo-op uit wat uit orige deeg gedruk is.
10. Maak kante van deeg met water nat en druk bymekaar.
11. Verf bietjie melk bo-oor.
12. Bak vir 18 minute of tot goudbruin.

Resep oorspronklik gepubliseer in 50 beste gebak uit Vrouekeur

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae