Soorte resepte:

Lochner de Kock se lamsboud

Lochner de Kock het vanoggend by ons kantoor gekuier en hierdie smullekker resep sommer so in die gang met ons gedeel:

Neem een skaapboud en twee botteltjies slaaisous van jou keuse.
Sit die skaapboud in ‘n oondbak en gooi die slaaisous daaroor.
Maak die skaapboud toe en bak tot gaar.
Maak die skaapboud kort-kort tydens die bakproses oop en bedruip die boud weer met die slaaisous wat afgeloop het.
Bak stukkies groente saam met die boud vir die laaste halfuur.
Wanneer jy die skaapboud aan die einde oopmaak om te verbruin, gooi bietjie Bisto oor die boud.

Die slaaisous bevat reeds al die kruie, speserye, suurlemoensap en olyfolie wat jy sou benodig.

Geniet!

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Marinus Kruger ·

Dis in eenvoud waar ware genie gevind word.

Kannie wag vir payday nie.

Dankie Lochner

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.