Soorte resepte:

[Resep] Aartappel-pankos

Aartappel

Aartappel-pankos Foto: Wenresepte 1

Hierdie kitsete is binne ’n halfuur gereed. Gebruik ’n baie groot pan, want anders ontstaan ’n klomp vloeistof en word die kos nie gou genoeg gaar nie.

Lewer 2 porsies

Bestanddele:

  • 500 g aartappels, geskil
  • 1 groot ui, in ringe gesny
  • 50 ml sonneblomolie
  • 50 g (14 heel) gevulde olywe, gehalveer
  • 100 g salami of ander gerookte wors, in dun skyfies gesny
  • knippie droë salie
  • sout en peper na smaak
  • 50 g feta- of krummelmaaskaas
  • vars kruie (opsioneel)

Metode:

  1. Sny die aartappels in dun skywe. Druk droog met kombuispapier.
  2. Braai die aartappels en ui in die warm olie tot goudbruin.
  3. Voeg die olywe, salami, salie, sout en peper by en braai ’n paar minute lank tot die salami warm is.
  4. Voeg die kaas by net voor dit voorgesit word en strooi vars kruie bo-oor indien beskikbaar.

Bron: Wenresepte 1
Uitgewer: Human & Rousseau

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae