Soorte resepte:

Resep: Aartappelslaai (warm)

Argieffoto

Argieffoto

Bestanddele:
6 middelslag aartappels gekook en skil afgetrek
250 g spekvleis in stukkies gesny
2 groot uie fyngekap
3 groot tamaties fyngekap
1 k room effens geklop
1½ k gerasperde cheddarkaas

Metode:
1. Braai spekvleis, uie en tamaties tot gaar.
2. Sny aartappels in skywe en voer vuurvaste bak met laag aartappels.
3. Voeg lagie van bredie oor aartappels, dan lagie kaas.
4. Weer eens laag aartappels met oorblywende bredie en kaas.
5. Gooi room egalig oor en bak in oond van 180°C tot kaas en room deurgebak is.

Resep: Joey Pienaar
Dié resep is oorspronklik in Knuppeldik aan koningskos gepubliseer
Uitgewer: Knuppeldik Trust
Om die resepteboek, Knuppeldik aan koningskos, te bestel, kontak Carien Liebenberg by 0833199636

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae