Soorte resepte:

Resep: Blatjanghoender

Blatjanghoender. (Foto: Onthoukos)

Perfek vir Sondagmiddagete!

Lewer 6 porsies

Bestanddele

  • ekstra CLOVER Mooi River-botter om mee te smeer
  • 8 tot 10 hoenderporsies
  • sout en peper na smaak
  • 50 g (1 pakkie) bruinuiesoppoeier
  • 250 ml (1 k) kookwater
  • 250 ml (1 k) blatjang
  • 250 ml (1 k) Clover Cream O’Naise

Metode

  1. Voorverhit die oond tot 180 °C.
  2. Smeer ’n oondvaste bak goed met botter.
  3. Geur die hoenderstukke met sout en peper. Pak die hoenderstukke in die bak.
  4. Meng die soppoeier en kookwater tot glad.
  5. Roer die blatjang en Cream O’Naise by die sop tot goed gemeng.
  6. Skep die mengsel oor die hoender. Bedek die bak met die deksel of met foelie.
  7. Bak vir een en ’n halfuur. Verwyder die deksel/foelie en laat verbruin onder die oondelement.
  8. Sit warm voor saam met rys.

Bron: Onthoukos

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

WIEBO ·

Sny dik uieringe en sit die onder in die bak en die hoenderstukke bo-op. Volg dan die resep hierbo. Ek maak dit gereeld en dis heerlik!!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.