Soorte resepte:

Resep: Bobotie

Argieffoto

Argieffoto

Vleis:
1 kg maalvleis
2 k water

Kook tot gaar.
Gooi water af en hou eenkant.

Voeg by vleis:
1 k pitlose rosyne
2 groot uie fyngekap en ʼn bietjie gebraai
¼ k margarien
2 t Aromat
2 e kerrie “Mild” (afgeskraap)
1 e asyn
1 t sout
2 snye brood geweek in afgegooide water
4 piesangs

Metode:
Smeer bak.
1. Gooi helfte van vleismengsel in.
2. Smeer ʼn laag appelkooskonfyt bo-oor.
3. Plaas laag gedroogde appelkose bo-oor.
4. Dan laag gesnyde piesangs.
Herhaal, vanaf (1) tot (4).
Gooi bo-oor 2 eiers en ʼn half koppie melk – goed geklits.
Bak 180°C (350°F) vir ± 30 minute tot styf en mooi bruin bo-op.
Bedien met blatjang, klapper en gekapte pynappel.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae