Soorte resepte:

[Resep] Boerewors-en-koeskoes-slaai

(Foto: Beste uit Vrouekeur, Lapa-uitgewers

4 porsies

Bestanddele

  • 600 g boerewors
  • bietjie olie
  • 1 ui, gekap
  • 5 ml vars knoffel, gekap
  • 250 g (1 pakkie) sampioene, in skyfies gesny
  • 1 rooi soetrissie, ontpit en in blokkies gesny
  • 1 groen soetrissie, ontpit en in blokkies gesny
  • 3 sprietuie, gekap
  • 1 hoenderaftrekselblokkie, gekrummel
  • 500 ml kookwater
  • 10 ml olie
  • 500 ml koeskoes

Metode

  1. Verhit ʼn braaipan en braai die wors in ʼn bietjie water tot gaar. Moenie ekstra olie gebruik nie.
  2. Laat die wors afkoel en sny in happiegrootte stukkies.
  3. Verhit ʼn bietjie olie in ʼn ander braaipan en soteer die ui en knoffel tot die ui sag is.
  4. Voeg die sampioene by en soteer tot net gaar.
  5. Voeg die soetrissies by en roerbraai vir twee minute. Die soetrissies moenie sag wees nie. Voeg die sprietuie by en verwyder van die hitte.
  6. KOESKOES: Los die hoenderaftrekselblokkie in die kookwater op en roer die olie by.
  7. Roer die koeskoes by die warm hoenderaftreksel. Plaas ʼn deksel bo-op en laat dit vir 10 minute staan tot die koeskoes goed uitgeswel is.
  8. Roer die koeskoes met ʼn vurk tot dit los van mekaar
  9. Meng die koeskoes liggies by die worsmengsel. Moenie te veel roer nie, anders lyk dit deurmekaar.
  10. Sit by kamertemperatuur voor.

Uit: Beste uit Vrouekeur, Marlo Kitshoff Carstens, Lapa-uitgewers

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

humor ·

Nee wat al wat n mengsel word deesdae opgedis as spesiaal . Lyk glad nie lekker nie. Nie vir my nie, dankie.

Wanda ·

Ek stem lyk maar vaal verby. En vandag se gekoopte wors…..nee dankie. Ons maak ons eie “dankbaar” daarvoor om dit te kan doen. Geen gekoopte wors of maalvleis oor my lippe nie. Jig

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.