Op 29 September vier die wêreld Koffiedag, maar hier by Maroela Media is ons so lief vir koffie, ons vier dit sommer heelweek. Om hierdie spesiale dag te vier, het ons besluit om resepte deur ʼn koffiekenner, Lani Snyman, uitvoerende beampte verantwoordelik vir kliëntediens by Ciro, te laat ontwikkel. Hou Maroela Media dop vir heerlike en unieke koffieresepte!
Lewer ongeveer 20 – 24 burgers
Bestanddele:
Vir die vleiskoekie:
- 1 kg wildsmaalvleis (week oornag in espresso)
- 8 skeute (shots) espresso
- 1 ui, fyngekap
- 3 snye volgraanbrood geweek in eiermengsel (50 ml melk en 4 eiers)
- 10 ml paprika
- 15 ml sout
- 20 ml hoenderaftrekselpoeier
- 15 ml sout
- Nomu-koffiesmeer
- Ina Paarman se Cajun Spice
- ½ k blatjang
- ½ k tamatiesous
- 20 ml worcestersous
Vir die burgers:
- gesondheidsrolletjies
- blaarslaai
- tamatie
- gebraaide uie en sampioene
- suurroom
- basiliekruid en pesto
Metode:
Vir die vleiskoekie:
- Stel die oond op 180 °C.
- Meng al die bestanddele saam en druk in vleiskoekievorms.
- Bak tot bruin.
Vir die burgers:
- Pak in dié volgorde op elke rolletjie: blaarslaai, tamatie, vleiskoekie, uie en sampioene, suurroom, basiliekruid en pesto.
Geniet dit!