Soorte resepte:

[Resep] Hoender-en-appelkoosbredie

hoender-en-appelkoosbredie

Hoender-en-appelkoosbredie. Foto: Lekker en Vinnig

Met sulke heerlike resepte kan die winter maar kom!

(Uit: Vinnig en Maklik: Resepte uit Vrouekeur 2, Marlo Carstens)

Lewer 6 porsies

Bestanddele:

Marinade

  • 30 ml heuning
  • 45 ml bruinsuiker
  • 45 ml olie
  • 30 ml sojasous
  • 30 ml asyn
  • 5 ml droë gemengde kruie

Bredie

  • bietjie olie
  • 1 kg hoenderstukke
  • 20 pekeluie
  • 6 wortels, in skyfies gesny
  • 6 aartappels, geskil en in blokkies gesny
  • 250 g (1 pak) sampioene, in skyfies gesny
  • 250 ml droë witwyn
  • 10 ml bruinsuiker
  • sout en varsgemaalde swartpeper na smaak
  • 10 ml gekapte vars pietersielie
  • 125 ml gedroogde appelkose

Metode:

  1. MARINADE: Meng die bestanddele vir die marinade saam. Plaas die hoenderstukke daarin en laat vir 1 uur of oornag marineer. Behou die marinade.
  2. BREDIE: Verhit die olie in ’n kastrol en braai die hoender tot goudbruin. Skep dit uit.
  3. Verhit nog olie indien nodig en soteer die uitjies tot glansend.
  4. Skep die hoenderstukke terug in die kastrol en voeg die marinade by. Voeg die oorblywende bestanddele, behalwe die appelkose, by. Plaas ’n deksel op en laat prut stadig vir 1 uur tot die hoender sag is.
  5. Voeg die appelkose by en laat prut vir nog 30 minute tot die appelkose uitgeswel is.
  6. Sit dadelik voor.

Bron: Lekker & Vinnig
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae