Soorte resepte:

[Resep] Hoender-korma

Hoender-korma (Foto: Trooskos)

Hoender-korma (Foto: Trooskos)

Jy hoef nie ʼn sjef te wees om dié resep te bemeester nie. Dis doodeenvoudig om aanmekaar te slaan – niemand het lus om op ʼn Dinsdag ure agter die potte te staan nie!

Genoeg vir 6

Bestanddele

  • ¼ k (60 ml) Clover-suurroom
  • 1 e (15 ml) kerriepasta
  • 1 t (5 ml) garam masala
  • 1 t (5 ml) borrie
  • 1 knoffelhuisie, gepers
  • 800 g hoenderfilette, in blokkies gesny
  • 2 e (30 ml) Clover Springbok-botter
  • 1 e (15 ml) olie
  • 2 uie, geskil en fyn gekap
  • ½ k (125 ml) hoenderaftreksel
  • ¼ k (450 g) sultanas
  • ¼ k (50 g) gemaalde amandels
  • ½ k (125 ml) Clover- vars room
  • sout en varsgemaalde swartpeper
  • ½ k (25 g) gevlokte amandels, lig gerooster

Metode

  1. Meng die suurroom, kerriepasta, garam masala, borrie en knoffel in ’n glasbak.
  2. Roer die hoender by totdat al die blokkies bedek is en bedek die bak met kleefplastiek.
  3. Marineer 1 tot 2 uur in die yskas.
  4. Verhit die botter en olie oor lae hitte in ’n pan en soteer die uie 3 minute tot goudkleurig.
  5. Roer die hoender by en braai 6 tot 7 minute.
  6. Voeg die aftreksel, sultanas en amandels by en prut 10 minute.
  7. Roer die room by en geur met sout en peper. Laat prut vir nog 5 minute.
  8. Strooi die gevlokte amandels net voor bediening oor.

Bron: Trooskos

Uitgewer: Lapa uitgewers

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Carel ·

Gaan miskien nie ure agter die potte staan nie, maar gaan ure in die winkel spandeer om alles te koop vir die een.

Ties ·

60 ml suurroom 1/4 k ;
125 ml vars room 1/4 k;
60 ml en 125 ml is mos nie dieselfde hoeveelheid nie ?
Sjoe, ek hoop die res van die resep se bestanddele is reg !

Landi Malan ·

Dagsê Ties

Dankie vir jou terugvoer. Ons vra om verskoning vir die oorsig. 125ml is inderdaad die regte hoeveelheid, dit moet net lees ½ k in plaas van ¼ k. Die berig is reeds gewysig.

Groetnis
Landi nms Maroela Media

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.