Soorte resepte:

[Resep] Hoender met muskadelsous

Foto: Lekker en Vinnig

Hoender met muskadelsous. Foto: Lekker en Vinnig

Bestanddele:

  • 500 g hoenderfilette, in repies gesny
  • 50 ml Worcestersous
  • 50 ml bruinsuiker
  • 100 ml muskadel- of soetwyn
  • 25 ml kanola- of olyfolie
  • 4 groot bruin sampioene, in skywe gesny (250 g)
  • 1,25-2,5 ml gemaalde kaneel
  • 50 ml perskeblatjang
  • 25 ml gekapte vars pietersielie

Metode:

  1. Plaas die hoenderrepies in ʼn glasbak. Voeg die Worcestersous, bruinsuiker, wyn en 5 ml olie by en meng. Verkoel en marineer dit 30 minute lank.
  2. Verhit 5 tot 10 ml olie in ʼn groot braaipan. Dreineer die hoenderrepies en roerbraai die vleis in twee sarsies totdat dit verkleur. Hou dit eenkant warm.
  3. Verhit die oorblywende olie in dieselfde braaipan en roerbraai die sampioenskywe tot gaar maar steeds sappig. Skep dit uit en hou dit warm.
  4. Gooi die gedreineerde marinade, kaneel en blatjang in die braaipan en verhit tot kookpunt. Voeg die hoender en sampioene by en verhit tot stomend warm. Strooi die gekapte pietersielie oor.
  5. Sit dit voor met skulpnoedels, rys, koeskoes of gort en slaai, of gestoomde groen groente soos broccoli, Brusselse spruite of groenertjies.

Bron: Lekker en Gesond
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.