Soorte resepte:

[Resep] Jagterspot met port, balsamiese asyn en droëperskes

Foto: Lekker & Vinnig: Potjiekos

Jagterspot met port, balsamiese asyn en droëperskes. Foto: Lekker & Vinnig

(Uit: Braaitreffers, Hannetjie Joubert)

Lewer 8-10 porsies

Bestanddele:

  • 250 g streepspekvleis, in stukke gesny
  • olie vir braai
  • 2 kg ontbeende wildsvleis, in groot stukke gesny
  • 3 uie, in skywe gesny
  • 4 knoffelhuisies, gekneus
  • 250 ml aftreksel
  • 250 ml droë rooiwyn
  • 20 ml port
  • 200 ml balsamiese asyn
  • sout en varsgemaalde swartpeper na smaak
  • 2 lourierblare
  • 50 ml gekapte gemengde vars kruie
  • 10 ml aalbessiejellie
  • 800 g droëperskes, oornag geweek
  • ± 20 jong aartappels, ongeskil
  • ± 20 pekeluie, geskil

Metode:

  1. Braai die spekvleis in ʼn no. 3-driepootpot oor die kole tot bruin. Skep dit uit en hou eenkant.
  2. Verhit die olie en braai die vleis ʼn paar stukke op ʼn slag tot bruin.
  3. Voeg die vleis en res van bestanddele, behalwe aalbessiejellie, perskes, aartappels en uie by. Bedek en laat prut vir 3 uur tot amper gaar.
  4. Roer aalbessiejellie in en plaas perskes, aartappels en uie bo-op die vleis. Bedek en laat prut vir nog 1 uur, of totdat vleis en groente sag is.

Bron: Lekker & Vinnig
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Denise ·

Dit is nou n smullekker resep gan dit die naweek maak gek oor wildsvleis!!!!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.