Dié gereg is nie net geurig nie, maar ook gesond!
Lewer 6 porsies
Bestanddele
- 20 ml olie
- 600 g dikrib, in blokkies gesny
- 2 uie, in ringe gesny
- 2 knoffelhuisies, gekneus
- 20 ml vars gerasperde gemmer of 10 ml fyn gemmer
- 10 ml borrie
- 5 ml brandrissiepoeier of sterk kerrie
- 10 ml fyn koljander
- 10 ml fyn mosterdsaad of mosterdpoeier
- 250 ml water of vleisaftreksel
- 500 g vars of bevrore spinasie, in stukke gesny
- 250 ml natuurlike jogurt
Metode
- Verhit die olie in ’n kastrol en verbruin die vleisblokkies. Voeg die uie, knoffel en die res van die geurmiddels asook water of vleisaftreksel by. Plaas die deksel op en prut ongeveer 1-1 ½ uur verder oor ’n lae temperatuur.
- Voeg die spinasie by en prut vir nog ongeveer 5-10 minute. Voeg jogurt by en verhit op lae hitte tot kerrie warm is, maar verhoed dat dit weer kook, om skifting te voorkom. Geur na smaak.
- Sit voor met koring of stampmielies en groente.
Bron: Eenpotgeregte deur An du Plessis
Uitgewer: Lapa
MM Hoekom kan ons nie die resepte Save of Print nie.
Jy kan print, gaan na die middle van die resep, regs kliek op jou muis, kliek print dan moet jy so rukkie vat voor die logo op kom wat jou die print opsie geem kliek weer op print en voila jou resep is geprint