Soorte resepte:

[Resep] Lettie se skoolkerrie

Foto: Pixabay.com

“Ek het die resep meer as 30 jaar gelede gekry by ʼn dierbare vriendin, Lettie de Swardt, wat onlangs oorlede is. Die resep was gewild by kermisse en skoolfunksies. Baie vriendinne gebruik dit nog,” skryf Rochelle Carstens, ʼn Maroela Media-leser.

Bestanddele:

  • 6 uie gekap
  • olie
  • 4 e kerrie
  • 2 e borrie
  • 2 k asyn
  • 1 k suiker
  • 1 groot blik tamatiepuree
  • 5 kg maalvleis (gaar gemaak)
  • geurmiddels
  • 2 e appelkooskonfyt
  • gaar gemengde groente (opsioneel)
  • 1 k rosyne (opsioneel)

Metode:

  1. Braai die uie in olie tot sag.
  2. Roer kerrie en borrie by, kook vir so ʼn rukkie terwyl dit geroer word.
  3. Meng asyn, suiker en tamatiepuree en voeg by die uiemengsel. Kook baie stadig vir so ʼn rukkie.
  4. Voeg die gaar vleis by (gaar hoender kan ook gebruik word in plaas van maalvleis).
  5. Voeg geurmiddels en konfyt by. Roer en kook so ʼn rukkie. Indien jy gemengde groente en rosyne wil gebruik, voeg dit ook by saam met die konfyt en geurmiddels. Dien op.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Arsène Lupin ·

Water my mond nou – die prentjie wat saam met die resep gaan, laat my terugdink aan Baas & Mossie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.