Soorte resepte:

[Resep] Maalvleispoffertjies

Foto: 50 Beste gebak uit Vrouekeur.

ʼn Heerlike peuselhappie vir die komende naweek!

Lewer ongeveer 48 poffertjies

Bestanddele:

Maalvleis

  • bietjie olie
  • 1 ui, fyngekap
  • 1 ml vars gekapte knoffel
  • 400 g maer beesmaalvleis
  • 2,5 ml (½ t) droë gemengde kruie
  • sout en varsgemaalde swartpeper na smaak
  • 250 ml (1 k) cheddar, fyngerasper

Poffers

  • 250 ml (1 k ) melk
  • 125 ml  (½ k) olie
  • 2 ekstragroot eiers
  • 250 ml (1 k) koekmeel
  • 10 ml (2 t) bakpoeier
  • 1 ml Aromat
  • knypie sout
  • bietjie paprika vir bo-oor sprinkel

Metode:

  1. Stel oond op 180 °C.

Maalvleis

  1. Verhit olie en soteer ui en knoffel daarin tot sag.
  2. Voeg maalvleis by en roer tot gaar.
  3. Voeg kruie, sout en peper by en roer deur.
  4. Verwyder vleismengsel van hitte en roer kaas by. Hou eenkant.

Poffers

  1. Klits melk, olie en eiers
  2. Sif koekmeel, bakpoeier, Aromat en sout
  3. Meng meelmengsel en eiermengsel.
  4. Spuit klein muffinpannetjies met kossproei.
  5. Skep 5 ml (1 t) beslag in elke holte.
  6. Skep ongeveer 5 ml (1 t) van maalvleismengsel bo-op beslag.
  7. Skep weer 5 ml (1 t) beslag bo-op. Sprinkel bietjie paprika oor.
  8. Bak vir 15 minute of tot goudbruin bo-op. Sit louwarm voor.

Bron: 50 Beste gebak uit Vrouekeur
Uitgewer: Lapa Uitgewers

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Lekker ·

Lekker!!!!!!! Dankie. Moet nog meer sulke tipe resepte opsit,ek kan dan my biduur mense bederf met n vinnige lekker eet dingetjie

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.