Die perfekte bykos vir enige maaltyd wat jy hierdie winter voorsit.
Maak: 8 porsies
Bestanddele:
- 3 uie, gekap
- 100 ml olyfolie
- 4 knoffelhuisies, gekap
- 2 groot brandrissies, gekap
- 5 tamaties, in blokkies gekap
- 30 g vinkelsaadjies
- 1 bossie gekapte vars koljanderblare (dhania)
- 8 ml fyn koljander
- 8 ml sout
- 250 g maalvleis
- 15 ml tamatiepasta
- 8 groen soetrissies, bokante afgesny
- 500 ml rys, in water geweek en gedreineer
- 250 ml water
Metode:
- Verhit olie in ʼn kastrol en braai die uie vir ongeveer 10 minute tot goudbruin.
- Voeg die knoffel, brandrissies en tamaties by die uie en prut vir ongeveer 10 minute.
- Voeg die koljanderblare en vinkelsaadjies by en prut.
- Voeg die fyn koljander en sout by en prut vir nog 10 minute.
- Meng die maalvleis deur die uiemengsel en prut totdat die vleis bruin word.
- Voeg die rys en water by die maalvleis en laat dit droogkook.
- Skep die rys-en-vleismengsel in die soetrissies.
- Rangskik die gevulde soetrissites in ʼn kastrol, voeg 1 koppie water by en stoom vir ongeveer 30 minute. Voeg meer water by indien nodig.
- Bedien saam met gegeurde rys of slaai.
Bron: Kook saam Kaaps
Uitgewer: Lapa