Soorte resepte:

Resep: Russiese worsieslaai met Franse slaaisous

Russiese worsieslaai met Franse slaaisous (Foto: Lapa-uitgewers)

Dié worsie en-pastaslaai sal jou voete onder jou uitslaan.

Lewer 4 porsies

Bestanddele

  • 750 g (2 pakke) Russiese worsies (Russians)
  • ʼn bietjie olie
  • 125 g (¼ pak) penne-pasta
  • 20 vars groenboontjies
  • 16 kersietamaties, gehalveer
  • 440 g (1 blik) pynappelstukke, gedreineer
  • boontjiespruite na smaak

SLAAISOUS

  • 3 grasuie, gekap
  • 30 ml gekapte vars pietersielie
  • knippie peper
  • 90 ml Franse slaaisous

Metode

  1. Braai die worsies in die olie tot gaar. Sny in groterige skuins skywe en laat afkoel.
  2. Kook die pasta in borrelende water met ‘n bietjie sout tot al dente (net gaar). Dreineer en roer bietjie olie deur.
  3. Sny die boontjies skuins in 5 cm-lengtes. Kook tot net sag en spoel onder koue water af.
  4. Voeg die slaaibestanddele, insluitend die worsies, bymekaar en meng liggies.
  5. SLAAISOUS: Meng slaaisousbestanddele en giet oor die slaai.

Bron: Vinnige en maklik: resepte uit Vrouekeur 2 deur Marlo Carstens

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae