Soorte resepte:

Resep: Skaapbredie met bier

Skaapbredie met bier (Foto: Lapa-uitgewers)

Kry jy gaste oor die naweek? Maak sommer hierdie heerlike skaapbredie!

Lewer 6 tot 8 porsies

Bestanddele:

  • bietjie olie
  • 1,8 kg stoweskaapvleis, in blokkies gesny
  • 3 uie, gekap
  • 2 selderystingels, gekap
  • 5 ml (1 t) gekapte vars knoffel
  • 65 g (1 klein blikkie) tamatiepasta
  • 1 beesvleisaftrekselblokkie
  • 125 ml ( ½ k) kookwater
  • 340 ml (1 blikkie) bier
  • 2 lourierblare
  • 6 aartappels, geskil en in blokke gesny
  • 6 wortels, geskraap en in dik skywe gesny
  • 250 g (1 pakkie) sampioene, gehalveer
  • 10 ml (2 t) mielieblom
  • 60 g (1 pakkie) bruinuiesoppoeier
  • 75 ml (5 e) water

Metode:

  1. Verhit olie in kastrol en soteer vleisblokkies bietjies-bietjies daarin tot goudbruin. Skep in
  2. Voeg nog olie in kastrol indien nodig en soteer uie, seldery en knoffel daarin tot sag. Skep in
  3. Meng tamatiepasta, beesvleisaftrekselblokkie, kookwater en bier tot glad. Voeg by vleis in Plaas lourierblare by.
  4. Plaas deksel op en laat vir 5 uur oor hoë hitte prut.
  5. Voeg aartappels en wortels by en kook nog 1½ tot 2 uur.
  6. Voeg sampioene by. Maak mielieblom, soppoeier en water tot pasta aan en roer by bredie.
  7. Plaas deksel op en laat prut vir nog 30 minute.
  8. Verwyder lourierblare en sit warm voor.

Bron: Vinnig en maklik – resepte uit Vrouekeur 3

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

martin ·

Klink baie lekker maar na sewe en n half uur se kook is ek nie meer honger nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.