Soorte resepte:

Resep: Skotse eiers

Foto uit die boek, "Tannie Poppie kook"

Foto uit die boek, “Tannie Poppie kook”

Lewer 12 – 15 snye

Dis die resep van ouma Lenie Homan.
Tannie Poppie sê: “Sit dit voor met ‘n slaai.”

Bestanddele:
1 ui, fyngekap
sonneblomolie om in te braai
700 g maer beesmaalvleis
5 ml droë gemengde kruie
2 ml knoffelpoeier
2 eiers, geklits
sout en peper na smaak
190 ml vars broodkrummels
6 eiers, hardgekook
1 pak (250 g) spekvleisrepe

Metode:
1. Voorverhit die oond tot 180°C (350°F).
2. Soteer die ui in ʼn bietjie olie tot deurskynend.
3. Meng met die res van die bestanddele, behalwe die hardgekookte eiers en spek.
4. Voer ʼn klein broodpan met die spekvleisrepe uit.
5. Druk helfte van die vleismengsel in die pan.
6. Pak die eiers in ʼn ry bo-op.
7. Druk die res van die vleismengsel op die eiers.
8. Vou die spekvleisrepe toe en bak 25 minute lank.

Die resep is oorspronklik gepubliseer in die resepteboek, Tannie Poppie kook
Uitgewer: Human & Rousseau
Prys: R220-00*
*Prys onderhewig aan verandering

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Thea du Toit ·

Ek gaan beslis hierdie resep maak, maar ek is jammer om vir tannie Poppie te moet sê dat hierdie nie skotse eiers is nie, maar ‘n vleisbroodjie (meat loaf). Skotse eiers is hardgekookte eiers wat met gemaalde varkvleis (ek haal sommer varkworsies uit hulle velletjies) bedek word, in geklitste eier en dan krummels gedoop word, en dan in diepolie gebraai word. Dis die heerlikste padkos happie, so kombinasie van die frikkadelle en gekookte eiers van elke padkosmandjie

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.