Soorte resepte:

Resep: Steak-en-sampioenpasta

Steak-en-sampioenpasta (Foto: Lapa-uitgewers)

Dié gereg proe of jy dit in ʼn restaurant bestel het!

Bestanddele:

  • 2 x 400 g-blikke sampioenroomsop
  • 250 ml room
  • 250 ml water
  • 90 ml brandewyn
  • 1 x 50 g-pakkie sampioensoppoeier
  • 10 ml kanola-olie
  • 1 ui, in skyfies gesny
  • 250 ml sampioene in skyfies gesny
  • 3 knoffelhuisies, fyngekap
  • 500 g saggemaakte biefstuk, in blokkies gesny
  • braaispeserye na smaak

Metode:

  1. Klits die sampioenroomsop, room, water, brandewyn en soppoeier saam tot goed gemeng. Giet dit in die prutpot se bak.
  2. Verhit die olie in ʼn swaarboompan en soteer die sampioene en ui tot deurskynend. Skep die gesoteerde mengsel met ʼn gaatjieslepel uit en hou eenkant.
  3. Geur die vleisblokkies met braaispeserye en braai dit in sarsies tot bruin. Skep die bruingebraaide vleisblokkies in die prutpot se bak.
  4. Skep die uie en sampioene oor die vleis en stel die prutpot op laag vir 5 tot 6 uur.
  5. Skep die biefstuk-en-sampioensous oor gaar pasta van jou keuse en bedien dadelik.

Bron: 50 Prutpot geregte

Uitgewer: Lapa-uitgewers

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Tania Heyns ·

Dagsê Thea. Dankie vir jou navraag. Aangesien dié resep in ‘n prutkoker voorberei word, is dit sowaar die regte hoeveelheid tyd soos wat dit in die resepteboek staan. Groetnis

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.