Soorte resepte:

[Resep] Susan se soeterige Sondaghoender

Susan se soeterige Sondaghoender. Foto: Verskaf

Die patats met die skil in die plek van aartappels verlaag die ete se GI en is gesonder as aartappels. Die klappermelk, saam met die patats, gee die gereg ʼn soet smakie. Die gereg is vinnig om op ʼn Sondagoggend voor kerk gereed te kry, en dan gou in die oond te druk sodra jy by die huis kom, skryf ʼn Maroela-leser, Susan van Pretoria.

Bestanddele:

  • 8 hoenderstukke (dye en boudjies) met vel
  • 4 medium patats, met skil in die lengte in repe gesny
  • 4 medium wortels, geskil en in lang repe gesny
  • 1 pers ui, in growwe stukke gekap
  • 1 k gedroogde appelkose
  • geurmiddels
  • ½ k blatjang
  • 1 blikkie lite-klappermelk
  • 1 k natuurlike jogurt
  • ½ pakkie sampioensoppoeier
  • paar takkies vars roosmaryn

Metode:

  1. Pak die hoender, patats en wortels in ʼn groot oondbak en strooi die uie oor.
  2. Druk die appelkose tussenin.
  3. Strooi geurmiddels na smaak oor (nie speserye nie; pasop vir te veel sout), soos suurlemoen- en swartpepergeursel.
  4. Meng die blatjang, klappermelk, jogurt en soppoeier. Gooi dit bo-oor die hoender en groente; maak seker alles is bedruip.
  5. Pak ʼn paar takkies roosmaryn bo-op en bedek met foelie.
  6. Bak bedek met foelie teen 180 ˚C  vir ongeveer 1 uur; haal foelie af en bak vir verdere 30-40 minute, tot hoender bruin gebak is en sous dik geword het.
  7. Sit voor saam met dik snye Portugese brood wat met ʼn dun lagie vars basiliepesto gesmeer is.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Ivana ·

Nerens in resep se bestanddele se hulle iets van aartappels nie???

Janie du Plessis ·

Dagsê Ivana,
Dankiev ir jou kommentaar. Jammer vir die oorsig, en dankie dat jy ons daarop gewys het! Ons het die resep gewysig.

Groetnis
Janie nms. Maroela Media

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.