Soorte resepte:

Resep: Tjops met kaas en sampioene

Foto: thecitycollection.org

Foto: thecitycollection.org

Bestanddele:
20 g (25 ml) botter of margarien
200 – 250 g sampioene, gehalveer
knippie droë tiemie
sout en peper na smaak
‘n bietjie suurlemoensap
4 tjops
50 ml sonneblomolie
4 skyfies soetmelkkaas
paprika

Metode:
1. Smelt die botter of margarien en braai die sampioene sowat 5 minute lank daarin. Geur met die tiemie, sout, peper en suurlemoensap. Hou warm.
2. Geur die tjops met peper en braai dit 5 – 6 minute lank aan elke kant in die olie tot mooi bruin. Geur liggies met sout.
3. Plaas die tjops op ‘n oondvaste opdienbak, skep ‘n kwart van die sampioene op elk en plaas ‘n skyfie kaas bo-op.
4. Rooster in die oond tot die kaas gesmelt het.
5. Strooi paprika oor en sit dit dadelik voor.

Hierdie resep is oorspronklik gepubliseer in Huisgenoot Wenresepte 1
Uitgewer: Human & Rousseau
Prys: R285-00*
*Prys onderhewig aan verandering

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

elmarie ·

Dis mos nou nie ‘n regte ‘braai’ resep nie. As jy wil braai doen dit reg. Hout, kole, oopvuur….gaan lekker braai #braaidag!

Fanus ·

Ek soek al lankal lekker nuwe resepte want mense hou van my kos en beskou my as ‘n goeie kok. En so wrintie hier kom ek op julle af!! Baie dankie

Suné van Heerden ·

Dagsê Fanus

Dankie vir jou boodskap! Ons hoop jy bak en brou sommer nog baie lekker!

Groetnis
Suné
nms Maroela Media

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.