Maroela Media-leser Johan se tunatert is maklik en vinnig, en jy kan dit sommer in een bak meng. Boonop is die bestanddele nie volksvreemd nie, en die meeste mense het dit reeds in hul koskaste. Van begin tot einde behoort hierdie tert nie meer as ʼn halfuur te neem nie.
Bestanddele
- 2 pakke kaas-en-uie Simba-skyfies
- 2 eiers
- 2 e mayonnaise
- 2 e blatjang
- 2 blikkies tuna
- 1 middelslag-ui
- 1 e kookolie
- gerasperde kaas
Metode
- Druk die skyfies fyn in die pak en gooi in oondpan.
- Breek eiers in.
- Meng mayonnaise en blatjang by.
- Ontwater tuna en meng by.
- Soteer ui liggies in olie tot glaserig en voeg by mengsel.
- Maak mengsel gelyk in die pan (+/- 1 cm dik).
- Strooi gerasperde kaas oor.
- Bak in matige oond vir ongeveer 10-20 minute (tot die kaas gesmelt is).
- Haal uit en laat afkoel. Sny in blokkies.
Heerlik saam met beetslaai of enige ander slaai.
2 x groot of klein pakke skyfies?
2 Groot pakke, Esmarie
Henrik het gisteraand gemaak en is baie vullend!!