Soorte resepte:

Resep: Vinnige worsie-en-pastagereg

Vinnige worsie-en-pastagereg (Foto: Lapa-uitgewers)

Gooi bymekaar en siedaar!
Lewer 4 porsies

Bestanddele

  • 250 g (½ pak) skroefpasta
  • bietjie olie
  • 2 uie, gekap
  • 1 knoffelhuisie, gekneus
  • 1 rooi soetrissie, in blokkies gesny
  • 1 groen soetrissie, in blokkies gesny
  • 6 kaasworsies, in skyfies gesny
  • 6 Russiese worsies, in skyfies gesny
  • 410 g (1 blik) perskeskywe in stukkies gesny (behou stroop)
  • 60 ml blatjang
  • 10 ml Worcestershiresous
  • 45 ml tamatiesous
  • sout en varsgemaalde swartpeper na smaak
  • 250 ml gerasperde kaas

Metode

  1. Voorverhit die oond tot 180 °C.
  2. Kook die pasta in water met ’n bietjie sout en olie tot net gaar. Dreineer en hou eenkant.
  3. Verhit die olie en soteer die uie tot sag. Voeg die knoffel en soetrissies by en soteer nog 5 minute. Skep die uiemengsel uit.
  4. Soteer die worsies in nog ’n bietjie olie, indien nodig, tot gaar. Skep die uiemengsel terug by die worsies en verwyder van hitte.
  5. Meng 90 ml van die perskestroop met die blatjang, Worcestershiresous, tamatiesous, sout en peper, en roer by die uiemengsel. Voeg ook die perskestukkies by.
  6. Roer die gaar pasta liggies deur en plaas in ’n gesmeerde oondbak.
  7. Sprinkel kaas oor en bak vir 20 minute tot deurwarm.

Bron: Lekker & vinnig: Worsresepte

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Johnny ·

Vermorsing van goeie bestandele. Ingelegde perkes in ‘n pasta dus?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.