Soorte resepte:

Resep: Satay-hoendersosaties met romerige grondboonbottersous

Satay-hoendersosaties met romerige grondboonbottersous (Foto: Lapa-uitgewers)

ʼn Heerlike kombinasie!
Bedien 4-6

Bestanddele

SATAY-HOENDERSOSATIES

  • 500 g ontbeende, ontvelde hoenderborsfilette
  • ½ k (125 ml) klappermelk
  • 1 e (15ml) Thaise vissous
  • 2 e (30 ml) vars fyngekapte koljanderblare
  • 2 t (5 ml) sagte bruinsuiker
  • ½ t (3 ml) borrie

ROMERIGE GRONDBOONBOTTERSOUS

  • 2 e (30 ml) Clover Mooi River- botter
  • ½ ui, fyngekap
  • 1 knoffelhuisies, fyngekap
  • 1 groen brandrissie, ontpit en fyngesny
  • 1 t (5 ml) fyngerasperde vars gemmer
  • 1 e (15ml) bruinsuiker
  • 2 e (30 ml) sojasous
  • ½ k (125 ml) gladde grondboonbotter
  • ½ k (125) Clover-room
  • 1 e (15 ml) Thaise vissous

Metode

SATAY-HOENDERSOSATIES

  1. Druk die hoenderborsies plat, sny elkeen in lang, dun repe en plaas in ʼn nie­metaalbak.
  2. Klits die oorblywende bestanddele saam en gooi oor hoender. Bedek en verkoel in die yskas vir 2 uur.
  3. Haal hoender uit marinade en ryg aan sosatiestokkies. Rooster vir 2-4 minute aan ʼn kant. Bedien met die romerige grondboonbottersous.

ROMERIGE GRONDBOONBOTTERSOUS

  1. Smelt die botter in ʼn klein pannetjie en braai die uie en knoffel liggies vir 5-6 minute.
  2. Voeg die brandrissie, gemmer, suiker en sojasous by en braai vir 1 minuut.
  3. Voeg die grondboonbotter en room by en verhit tot kookpunt terwyl jy vir 2-3 minute klits tot glad.
  4. Roer die vissous deur. Bedien saam met die satay-hoendersosaties.

Bron: Gunsteling Braairesepte

Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vleisgeregte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae