Soorte resepte:

[Resep] Terijaki-en-roosmaryn-biefsosaties

Foto: Lekker en Vinnig

Kyk net hoe pragtig lyk dié, en jy maak dit sommer in ʼn japtrap.

Lewer 6 porsies

Bestanddele:

  • 125 ml terijaki-sous
  • 30 ml Dijon-mosterd
  • 30 ml gekapte vars roosmaryn
  • 1 kg ontbeende steak, in 2 cm-blokkies gesny
  • 3-6 murgpampoentjies, in 2 cm-wiele gesny
  • 1 rooi soetrissie, ontpit en in blokke gesny
  • ½ rooi ui, in wiggies gesny
  • sosatiestokkies, vir 1 uur in water geweek

Metode:

  1. Meng die terijaki-sous, mosterd en roosmarynblare in ʼn bak.
  2. Meng die steakblokkies en groente in ʼn groot, herseëlbare sak en giet die marinade oor. Skud die sak om seker te maak dat al die bestanddele goed bedek is.
  3. Druk die lug uit die sak, verseel dit en laat die mengsel vir minstens 2 uur in die yskas rus. Draai die sak nou en dan om.
  4. Ryg die steakblokkies en groente om die beurt op die sosatiestokkies.
  5. Braai dit vir 5 minute op elke kant oor warm kole of tot dit gaar genoeg smaak.

Bron: Lekker en Vinnig – Sosaties
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Vleisgeregte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Gerd Lourens ·

MM.

Fundamentele fout met die (vorige) resep van die poffertjies.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.