Soorte resepte:

Resep-video: Bielie van ’n mieliebroodjie

Bielie van ’n mieliebroodjie (Foto: Maroela Media/ Janie Monsieur)

Dié broodjie het slegs drie bestanddele, maar ons het dit ʼn bietjie met biltong opgekikker.

Bestanddele

  • 500 g bruismeel
  • 1 blikkie kondensmelk
  • 1 blikkie geroomde mielies
  • 1 ½ k biltong, fyner gesny (jy kan dit ook vervang met ʼn houertjie biltongpoeier)

Metode

  1. Meng die bruismeel, kondensmelk en mielies saam in ʼn bak.
  2. Gooi die biltong by en meng dit ook in.
  3. Gooi die deeg in ʼn broodpannetjie en bak vir ongeveer 45 minute op 180 ° Hou dit dop want die suiker in die kondensmelk kan maak dat die broodjie vinnig brand.
  4. Bedien met nóg biltongpoeier of gesoute botter.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Gebak, Voorgeregte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae