Resep-video: Pizza-pakkies

Pizza-pakkies (Foto: Maroela Media/Janie Monsieur)

Wie hou dan nie van ʼn lekker pizza nie? Maak dié blitsvinnige variasie van ʼn pizza sommer dié week nog vir jou gesin!

Maak ongeveer 10 pakkies

Bestanddele:

• 1 vel skilferskorsdeeg, effens uitgerol
• ½ blikkie tamatiepasta
• 2 koppies kaas, gerasper
• Italiaanse speserye na smaak

Metode:

1. Sny die skilferkorsdeeg in reghoekige blokkies.
2. Smeer tamatiepasta op die deeg, hou wel die randjies van die deeg skoon om dit makliker te maak om later toe te druk.
3. Sprinkel kaas en speserye op die een helfte van die deeg.
4. Vou die pakkie toe en druk die kante vas met ʼn vurk.
5. Sit die pakkies op ʼn bakplaat en bak vir 20 minute teen 180°C.

Resep: Janie Monsieur