Soorte resepte:

Wen kaartjies na Appetite Fest 2019

Gary, Matt en George (Foto: Facebook)

Vyf gelukkige Maroela Media-lesers kan elk ʼn dubbelkaartjie na Appetite Fest by Time Square in Pretoria wen.

Appetite Fest beplan om die grootste kulinêre en vermaakfees te wees wat Pretoria nog gesien het. Dié drie dae lange fees volg op die eerste van sy soort wat verlede jaar plaasgevind het.

Maroela Media het vroeër berig dat wêreldbekende sjefs soos Gary Mehigan, George Calombaris, Shannon Bennett en Matt Preston van die bekende televisiereeks MasterChef Australia by dié fees te sien sal wees.

MasterChef Australia se charismatiese beoordelaars sal meesterklasse aanbied, wat vir aanhangers die geleentheid gee om dié bekende Aussies in aksie te sien,” het Brett Hoppé, die algemene bestuurder van Time Square, gesê.

Feesgangers kan verder ʼn verskeidenheid boetiekbrouerye, gourmet‑kosstalletjies, hoë‑gehalte drankies en bekroonde wynkelders op dié fees verwag. Vraag-en-antwoord-sessies met internasionale en plaaslike sjefs word ook aangebied.

Kinders kan in ʼn veilige afgebakende gebied speel waar gesigsverf, speletjies, ʼn springkasteel, ʼn klimraam en selfs ʼn kindervriendelike kosmaak-teater hulle sal vermaak.

Appetite Fest vind op 13, 14 en 15 September by Time Square in Pretoria plaas.

Wen

Vyf gelukkige lesers kan elk ʼn dubbelkaartjie na Appetite Fest wen vir Vrydag 13 September by Time Square in Pretoria. Wenners word per e-pos in kennis gestel en sal hul kaartjies by Time Square moet gaan optel. Die kompetisie sluit op 8 September om 12:00.

Die kompetisie het gesluit.

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Kompetisies, Koolstoof

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.