Suid-Afrika se Lloyd Harris vier sy oorwinning oor Denis Shapovalov van Kanada. (Foto: Al Bello/Getty Images/AFP)
Die voormalige wêreld-nommer-een Rafael Nadal is nou die sesde voorste speler ter wêreld terwyl die Spaanse tiener Carlos Alcaraz 17 plekke tot die 38ste posisie op die wêreldranglys opgeskuif het.
Nadal het nog nie weer ’n wedstryd gespeel sedert hy teen Novak Djokovic in die halfeindronde van die Franse Ope vasgeval het weens ’n voetbesering nie. Djokovic is steeds die wêreld se voorste speler na hy teen die tweede gekeurde Daniil Medvedev verloor het in Sondag se Amerikaanse Ope.
Emma Raducanu van Engeland wen die Amerikaanse Ope se vroue-enkelspeltitel in New York (11 September 2021) (Foto: Al Bello/Getty Images/AFP)
Suid-Afrika se Lloyd Harris het 15 plekke tot die 31ste posisie opgeskuif terwyl Botic van de Zandschulp 55 plekke tot die 62ste posisie opgeskuif het.
Op tennis se wêreldranglys vir vroue het die Amerikaanse Ope-kampioen Emma Raducanu 127 plekke tot die 23ste posisie opgeskuif. Raducanu was aan die begin van die jaar in die 345ste posisie, maar het vinnig begin opskuif nadat sy 21 van haar laaste 25 wedstryde gewen het.
ATP-ranglys vir mans:
- Novak Djokovic
- Daniil Medvedev
- Stefanos Tsitsipas
- Alexander Zverev
- Andrey Rublev
- Rafael Nadal
- Matteo Berrettini
- Dominic Thiem
- Roger Federer
- Casper Ruud
WTA-ranglys vir vroue:
- Ashleigh Barty
- Aryna Sabalenka
- Karolina Pliskova
- Elina Svitolina
- Naomi Osaka
- Sofia Kenin
- Barbora Krejcikova
- Iga Swiatek
- Garbiñe Muguruza
- Petra Kvitova
