Swemmers spring weg by die Midmar Myl wat vanjaar vir die 46ste keer aangebied is. Foto: Facebook via aQuellé Midmar Mile
Meer as 11 500 swemmers het die Midmar Myl wat vanjaar vir die 46ste keer naby Howick in KwaZulu-Natal aangebied is, aangedurf.
Dit was toe ’n paar Australiërs wat met die Midmar-louere weggestap het.
Nick Sloman se tyd van 17:01 het so byna gesorg dat die rekord van Suid-Afrika se Chad Ho (17:00) in die slag gebly het, terwyl Michael McGlyn (17:28) en Daniel Marais (17:29) die tweede en derde plekke losgeswem het.
In die vroue-afdeling het nóg ’n Aussie, Kareena Lee, met die goue medalje weggestap. Sy het in ’n tyd van 18:21 gewen.
Ek wil net noem dat die ander artikel oor die Midmar Myl se ‘vinnige feite’ foutief is aangesien Oranje Meisieskool nie die skool is met die meeste Midmar inskrywings nie, maar Eunice Girls High in Bloemfontein. Dit kan bevestig word by die organiseerders.
Dagsê Midmar swemmer
Dankie vir jou kommentaar. Loer gerus op die Midmar Myl se amptelike webtuiste. Daar sê die organiseerders dat Oranje Meisieskool die grootste getal inskrywings vanjaar gehad het: https://www.midmarmile.co.za/2019/02/02/everything-you-need-to-know-about-the-46th-mile/
Hoop dit klaar die verwarring op!
Groete
Mariné
nms Maroela Media