Manchester United se Mason Greenwood. Foto: Paul Ellis/AFP.
Deur Riaan Hofmeyr.
Mason Greenwood (20), die jong ster van die gewilde Manchester United-sokkerspan in Engeland, is verlede week op borgtog vrygelaat ná dae se ondervraging deur die polisie.
Klagte van aanranding en verkragting is deur sy meisie, Harriet Robson, aanhangig gemaak. Sy het op 29 en 30 Januarie verskeie video’s, foto’s en klankgrepe op sosiale media gelaai wat glo moet bewys dat hy haar aangerand het.
Borge en ondersteuners het reeds hul ontevredenheid hieroor laat blyk.
Nike – Manchester United se hoofborg – het intussen sy vennootskap met Greenwood beëindig, terwyl ondersteuners selfs deur die sokkerklub terugbetaal word as hulle truie met sy naam daarop aangeskaf het.
“Mason Greenwood is nie meer ’n Nike-atleet nie,” het die Amerikaanse sportdragverskaffer in ’n verklaring gesê.
Greenwood word ook tydelik verbied om by die klub te oefen, terwyl Engeland se nasionale sokkerspan ook soortgelyke maatreëls getref het.
Greenwood verdien tans R1,5 miljoen per week en indien hy skuldig bevind sou word, sal alle kontrakte en borgskappe onmiddellik gestaak word. Hy word ook deur moontlike tronkstraf in die gesig gestaar.
Die atleet het in 2019 vir die eerste keer sy buiging vir Manchester United se senior span gemaak en het sedertdien 35 doele in 129 wedstryde vir die klub aangeteken.
en daai perd van West Ham wat sy katte so skop? Hoop die klub fire hom ook en borge onttrek.
Dom, Dom en Dom Verby !!!
Lekker man, geld maak jou moes die man!
en dit na duisende versoeke dat mishandeling teen vrou en kinders moet ophou, kry jy nog steeds die dom astrante onnosele so…. wat net aangaan.
kry vir julle as jul nie wil hoor nie
Die betalings wat die narre (sogenaamde sportsterre) kry is absoluut belaglik,