Chad le Clos het vyfde in sy uitdunronde geëindig, maar hy het net-net genoeg gedoen om vir die halfeindronde van die 200 m-vlinderslagitem te kwalifiseer.
Die 29-jarige Suid-Afrikaner het goed weggespring, maar hy moes magteloos toekyk hoe Kristof Milak na ’n hoër rat oorskakel.
Die Hongaar het die uitdunronde met ’n blitsige tyd van 1:53:58 min gewen, terwyl Le Clos tevrede met sy poging van 1:55:96 min moes wees.
Le Clos, wat in die Londen-spele vir die vlieënde Michael Phelps in die einste item getem het, sal sy sokkies in die halfeindronde moet optrek. Die stadigste kwalifiserende tyd tussen die 16 swemmers wat vir dié ronde gekwalifiseer het, is agter sy naam.
Milak lyk haas onstuitbaar en Le Clos het al vantevore die 21-jarige Hongaarse blits geloof.
“Kristof is tans eintlik net in ’n ander liga. Hy is net deksels vinniger as die res van ons,” het die Suid-Afrikaner in 2019 gesê toe Milak die legendariese Phelps se wêreldrekord verbeter het.
Nóg ’n plaaslike swemmer, Ethan du Preez, was agtste in dieselfde ronde met sy tyd van 1:58:50 min.
Uitslae van die uitdunronde:
- Kristof Milak 1:53:58 min
- Leonardo de Deus 1:54:83 min
- Honda Tomoru 1:55:10 min
- Krzytstof Chmielewski 1:55:77 min
- Chad le Clos 1:55:96 min
- David Thomasberger 1:56:04 min
- Matthew Temple 1:56:25 min
- Ethan du Preez 1:58:50 min
Men's 200m butterfly, heats: Chad le Clos finished 5th in his heat in 1:55.96 and placed 16th fastest overall. The top 16 qualify for the semi-finals.
Ethan du Preez was 8th in the same heat in 1:58.50 and failed to qualify for the semis#TeamSA #Tokyo2020— Team South Africa (@TeamSA2020) July 26, 2021
Al wat saakmaak is waar hy plaas in die finaal.
Hy gaan nie die finaal haal nie. Chad is ongelukkig oor die muur, kan nie meer met die jonger manne saamgesels nie.
Piet, ek sal hom meedeel as ons weer gesels.