Ferrari oorheers sake in Australië

Sebastian Vettel (regs) ná sy oorwinning. Foto: AP Photo/Rick Rycroft

Die eerste wedren in vanjaar se Grand Prix-reeks is in Melbourne deur Ferrari oorheers. Sebastian Vettel en Kimi Rainnonen het eerste en derde geëindig om die jaar op ʼn hoë noot te begin. Daar is vanjaar 21 wedrenne met die laaste ronde wat eers op 25 November in Abu Dhabi afgehandel word.

Die verdedigende kampioen, Lewis Hamilton (Mercedes), het die eerste posisie op die wegspringrooster ingeneem met Ferrari tweede en derde. Al tien spanne met twee motors elk was op die wegspringrooster.

  1. Lewis Hamilton (GBR/Mercedes) 1:21,164
  2. Kimi Raikkonen (FIN/Ferrari) 1:21,828
  3. Sebastian Vettel (GER/Ferrari) 1:21,838
  4. Max Verstappen (NED/Red Bull-TAG Heuer) 1:21,879
  5. Daniel Ricciardo (AUS/Red Bull-TAG Heuer) 1:22,152

Die wedren het sonder enige noemenswaardige voorvalle begin met Hamilton, Raikkonen en Vettel wat gou ʼn gaping met die ander motors opgebou het. Verskeie motors het tegniese probleme tydens die eerste derde van die wedren ondervind.

Hamilton het sy bande gaan omruil tydens die normale wedren. Die veiligheidsmotor (eers virtueel) het halfpad deur die wedren vir verskeie rondes voor gery waartydens die meeste motors hul bande geruil het. Vettel het die voortou geneem tydens die bandruilings-tydperk met Hamilton wat teruggeskuif het na die tweede plek en Raikkonen derde.

Dis ook hoe sake geëindig het met net sewe sekondes wat die top vier motors geskei het. Vyftien van die 20 motors het die wedren voltooi.

Finale uitslag:

PosRenjaerLandMotorPte
1Sebastian Vettel DuiFerrari25
2Lewis Hamilton BritMercedes18
3Kimi Räikkönen FinFerrari15
4Daniel Ricciardo AusRed Bull Racing TAG Heuer12
5Fernando Alonso SpanMcLaren Renault10
6Max Verstappen NedRed Bull Racing TAG Heuer8
7Nico Hulkenberg DuiRenault6
8Valtteri Bottas FinMercedes4

Vir meer inligting klik hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.