Fraser domineer Spele se eerste dag

Mat Fraser gister in aksie by die Spele. Foto: Facebook.

Mat Fraser se veldtog om die CrossFit Spele vir die vierde agtereenvolgende jaar te wen, is goed op koers nadat hy gister in Madison die items oorheers het.

Die 29-jarige Amerikaner was eerste in albei items en het 200 punte ingesamel.

Vanjaar se Spele is die grootste in die sport se geskiedenis en atlete van oral in die wêreld was gister in aksie. Die snoeiskêr is egter behoorlik ingelê en die aantal atlete is ná twee items tot 50 verminder.

Suid-Afrika se Jason Smith is tans in die 35ste plek. Hy was elfde in die eerste oefensessie, maar het kwaai in die tweede item teruggesak om 73ste te eindig. Hy het egter die valbyl vrygespring.

Sy landgenoot, Dina Swift, was egter nie so gelukkig nie en het 92ste ná die eerste ronde se oefening geëindig.

  • Die toptein ná die eerste dag:

Mans:

  1. Mat Fraser
  2. Scott Panchik
  3. James Newbury
  4. Ben Smith
  5. Patrick Vellner
  6. Noah Olsen
  7. Samuel Counoyer
  8. Jacob Heppner
  9. Travis Mayer
  10. Logan Collins

Vroue:

  1. Karissa Pearce
  2. Annie Thorisdottir
  3. Tia-Clair Toomey (verdedigende kampioen)
  4. Kristin Holte
  5. Brooke Wells
  6. Haley Adams
  7. Danielle Brandon
  8. Amanda Barnhart
  9. Laura Horvath
  10. Jamie Greene
  • Rich Froning se CrossFit Mayhem Freedom-span is eerste in die spankompetisie.
  • Gister se oefeninge:

Ronde 1: Vier rondes van 400 m hardloop, drie keer die tou klim (sonder die gebruik van jou bene) en sewe hurk-rukke (squat snatches).

Ronde 2: 800 m roei, 66 kettlebell jerks, 132 voet op jou hande stap.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

1 Kommentaar

jongste oudste gewildste
Sue Theron

Dankie vir die update.