Die Proteas se afrigterspan is in hul noppies met die span se vertoning. Foto: Twitter.
Die Proteas-netbalspan is tans ’n wegholtrein in Windhoek en dit lyk nie of hulle sommer gestuit sal word nie.
Die Suid-Afrikaners het gister nóg ’n tree in die rigting van hul sesde Afrika‑titel gegee toe hulle Uganda met 57 – 37 getroef het.
“Ons het geweet dat dit ’n fisieke wedstryd teen Uganda sou wees en ons was gereed daarvoor. Dit is altyd taai om teen ’n Afrika-land te speel en ons kan nie bekostig om enige span te onderskat nie,” het Dorette Badenhorst (afrigter) gesê.
Suid-Afrika is tans onoorwonne ná sewe wedstryde en hulle het reeds 498 doele aangeteken en slegs 207 afgestaan.
Hulle speel vandag om 09:00 teen Namibië.
Uitslae:
78 – 27 teen Zimbabwe
67 – 25 teen Kenia
79 – 22 teen Tanzanië
56 – 39 teen Malawi
85 – 24 teen Botswana
76 – 33 teen Zambië
57 – 37 teen Uganda
Punteleer:
- Suid-Afrika 14 punte
- Uganda 12 punte
- Malawi 12 punte
- Namibië 8 punte
- Zimbabwe 8 punte
- Zambië 4 punte
- Kenia 4 punte
- Botswana 4 punte
- Tanzanië geen punte.
mooi, knap gedaan dames, sterkte vorentoe, mag jul van krag tot krag gaan.
Mooi, maar hierdie beteken vir my niks nie. Dis soos om vir die rugbyspan te sê hulle moet teen Afrika deelneem. Ware toets is teen spanne soortgelyk aan jou of beter. SLEGS my opinie.