Die Suid-Afrikaanse sokkerlandskap is vandeesweek geruk met die nuus van Anele Ngcongca se dood.
Die 33-jarige voormalige Bafana Bafana-verdediger is gisteroggend vroeg in ’n motorongeluk op die N2-hoofweg in KwaZulu-Natal dood. Volgens berigte was hy op pad huis toe.
Ngcongca was een van Mamelodi Sundowns se grootste sterre, maar hy sou binnekort as ’n leenspeler vir die Durbanse klub AmaZulu bekendgestel word.
Die talentvolle verdediger het meer as 50 wedstryde vir Suid-Afrika gespeel en was deel van Bafana Bafana se Wêreldbeker-veldtog in 2010. Hy was ook vir ’n hele paar seisoene in België in aksie, waar hy in 279 kragmetings vir KRC Genk uitgedraf het.
Huldeblyke stroom in na sy dood.
“Anele was ’n stil en nederige persoon wat nie veel gesê het nie. Maar wanneer hy gepraat het, het almal geluister,” het sy suster, Siyasanga Ngcongca, luidens berigte gesê.
Van sy Belgiese spanmaats, Kevin de Bruyne en Thibaut Courtois, het Ngcongca se nagedagtenis op sosiale media geëer.
“Hy was een van die mees entoesiastiese spelers wat ek nog ooit ontmoet het en ek sal altyd sy glimlag onthou. Ons gaan jou baie mis, my vriend,” het Courtois, wat deesdae vir Real Madrid speel, op Twitter geskryf.
Sad to hear former Genkie Anele is no longer with us. Being one of the most enthusiastic players I have ever met, I’ll always remember your smile and will carry your positive mindset with me. We’ll miss you deeply, my friend. My thoughts go out to your family. ???? https://t.co/DMbrVx3ONM
— Thibaut Courtois (@thibautcourtois) November 23, 2020
Ngcongca word hoog aangeskryf in België. Hy het ’n rits trofeë saam met Genk gewen, waaronder die beker as Pro Liga-wenners.
“Ons het pas die tragiese nuus omtrent Anele se dood verneem. Ons klub se innige simpatie aan sy familie en vriende. Rus in vrede, Anele,” het KV Kortrijk op sosiale media geskryf.
Op tuisbodem het Bafana Bafana, Mamelodi Sundowns en die Blou Bulle onder meer hulde aan Ngcongca gebring.
The President, Dr Patrice Motsepe, the Board of Directors, Technical Team, Players, Management, Staff, Supporters of Mamelodi Sundowns FC & the entire Masandawana Family express their deepest condolences to the family and friends of Anele Ngcongca who passed away today. pic.twitter.com/aOI2s4giIg
— Mamelodi Sundowns FC (@Masandawana) November 23, 2020