Karla-hulle skitter weer in Australië

Karla Pretorius en Lenize Potgieter in aksie in Australië. Foto: Facebook.

Pas nadat hulle op die groot verhoog tydens die Vitality Wêreldbeker-netbaltoernooi hul staal gewys het, druk van Suid-Afrika se netbalspelers nou weer hul stempel in Australië se Suncorp Super Netball-toernooi af.

Die Sunshine Coast Lightning met Karla Pretorius en Phumza Maweni in hul geledere het die Queensland Firebirds – wat met die dienste van Erin Burger en Lenize Potgieter spog – met twee doele geklop.

Die telling was 66–64 in SCL se guns.

Pretorius-hulle speel nou Saterdag teen die ligavoorlopers, die New South Wales Swifts.

In hul vorige kragmeting het Pretorius ses keer die bal onderskep, maar sy besef dat die Swifts oor ’n paar gevaarlike spelers beskik. Veral hul doelskieters, Sam Wallace en Helen Housby, sal met valkoë dopgehou moet word.

“Sam en Helen is twee bitter gevaarlike spelers in die doelsirkel en as ’n kombinasie is hulle baie goed,” het Pretorius gesê.

Sy en Maweni het met Wallace (Trinidad en Tobago) en Housby (Engeland) in die afgelope Wêreldbeker-toernooi te doene gekry.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.