Lloyd Harris. Foto: Twitter.
Lloyd Harris is deel van Suid-Afrika se span vir die Davisbeker-kragmeting teen Venezuela in New York.
Die jong Kapenaar ry tans op die kruin van die tennisgolf nadat hy tot die kwarteindstryd van die Amerikaanse Ope deurgedring het en met ’n rits sterre (onder wie Rafael Nadal en Dominic Thiem) klaargespeel het.
Daarbenewens is hy nou ook 31ste op die wêreldranglys; sy beste posisie ooit.
Volgens Harris is bestendigheid een van sy sterkpunte in 2021. Hy het vanjaar agt Grand Slam-wedstryde gewen; in die voorafgaande tydperk kon hy net twee keer as oorwinnaar van die baan in dié einste toernooie stap.
“Ek probeer om elke wedstryd met dieselfde intensiteit te benader. Ek het weliswaar ’n paar taai kragmetings agter die blad, maar ek voel goed en is gereed vir nog aksie op die baan,” het Harris gesê.
Hoewel Suid-Afrika die gunstelinge is om die naweek met die louere weg te stap, meen Harris dat Venezuela nie onderskat moet word nie.
“Ek het ’n bietjie navorsing gedoen en van die ouens in hul span gesien. Ja, hulle beskik dalk oor geen groot name nie, maar daar is ’n goeie balans tussen veterane en opwindende jong spelers in hul span.
“In die Davisbeker speel jy vir jou land en daar is baie meer op die spel.”
Die wedstryd word om veiligheidsredes in New York aangebied.
2️⃣ Days To Go! ⏳
Our South African @DavisCup team is ready for the challenge.
The team faces Venezuela in Davis Cup World Group II first round tie at West Side Tennis Club in New York on Saturday and Sunday.
Go #TeamSA! ???? #DavisCup pic.twitter.com/jJ0lCpmD5G
— Tennis South Africa (@TennisSA) September 16, 2021
Wie is die ander lede van die span?
Uiteindelik ‘n speler wat met graagte vir sy land sal speel. Ons vorige groot name het mos te veel van hulself gedink om Davis-beker te speel (niks te verdien nie). Welgedaan Harris.
ongelukkig daal hy nou in my boek baie ver, iemand wat nog die land van rowers korrupsie en rassisme wil verteenwoordig verdien nie my steun nie. dis net so goed as n stem vir die anc