Suid-Afrika se Lloyd Harris sal nou vandag teen die VSA se Emilio Nava te staan kom nadat ’n besering weer eens Andy Murray se toernooi-drome gekelder het.
Volgens die voormalige wêreld-no. 1-speler het hy onverwags ’n liesbesering opgedoen.
“Daar was geen probleme toe ek vir die toernooi voorberei het nie en ek het Vrydag nog sonder enige probleme in die gimnasium gesweet. Maar toe word ek om 03:00 wakker met ’n steekpyn in my lies en ek kon kwalik loop,” het Murray gesê.
“Dit word elke dag darem beter, maar ek het nog nie genoegsaam herstel om mededingende tennis te speel nie. Ek het Vrydag laas geoefen.”
Die 33-jarige speler het al twee keer met die louere in Miami weggestap toe hy onderskeidelik met Novak Djokovic en David Ferrer afgereken het.
Die verwikkeling beteken dat Harris vandag nou teen Nava sal moet speel; ’n 19-jarige speler wat 556ste in die wêreld gekeur is.
Dit sal die eerste keer wees wat die twee spelers kragte op die baan meet.
Harris ry egter op die kruin van die golf nadat hy onlangs in die eindstryd van die Dubai-ope teen Aslan Karatsev gespeel het.
Die 24-jarige Suid-Afrikaner het onder meer met Dominic Thiem, Kei Nishikori en Denis Shapovalov in sy opmars na die eindstryd afgereken.
Andy Murray has withdrawn from the #MiamiOpen with a left groin injury.
Come back stronger, @andy_murray! ???? pic.twitter.com/0qbgvaVnXb
— ATP Tour (@atptour) March 23, 2021
Sterkte Lloyd, ek wens jou sterkte toe vir die wedstryd.