Die Proteas is nog onoorwonne by die Afrikanetbalbeker in Windhoek. Foto: Twitter
Die lede van die Protea-netbalspan het pas met een van hul sterkste teenstanders by die Afrikabekertoernooi, Malawi, afgereken. Die eindtelling was 56–39 in die Suid-Afrikaners se guns.
Bongi Msomi se span is tans nog onoorwonne in die kompetisie nadat die spelers ook vroeër met Zimbabwe (78–27), Kenia (67–25) en Tanzanië (79–22) klaargespeel het.
Die Suid-Afrikaners het reeds 280 doele in vier wedstryde aangeteken, terwyl hulle slegs 113 afgestaan het. Hulle speel die naweek teen Botswana en Zambië, terwyl nog ’n groot toets Maandag teen Uganda wag.
Die Proteas het reeds vyf keer vantevore met die louere in die reeks weggestap: in 1995, 1999, 2010, 2013 en 2019. Dorette Badenhorst-hulle is oorgehaal om vir die sesde keer die silwerware omhoog te hou.
Protea-span teen Malawi: Ine-Mari Venter, Lefébre Rademan, Bongi Msomi, Izette Griesel, Monique Reyneke, Jamie van Wyk en Phumza Maweni. Op die plaasvervangersbank was Elmeré van der Berg, Jessica du Plessis, Refiloe Nketsa, Khanyisa Chawane en Simoné Rabie.
#AfricaNetballCup
????????????????????
FULL TIMEGOOD game and TIGHT first half against Malawi today. South Africa sticking together and delivering the goods in the second half wining by 17 goals. ????#SPARProteas #WeAreAllIn pic.twitter.com/Yu63AaFK9v
— Netball South Africa (@Netball_SA) November 12, 2021
Pragtig dames, gaan vir goud, silwer en brons! Trots op julle!!!
Fantasties!