Volgens Richard Gasquet is dit ’n onbetwisbare feit: Roger Federer, en nie Rafael Nadal of Novak Djokovic nie, is die beste tennisspeler ooit.
“Dit gaan nie vir my oor ’n spul Grand Slam-titels nie – in my oë het Roger geen gelyke nie. Hy is die Lionel Messi van tennis,” het die Fransman gesê.
Dit is ook nie die eerste keer wat Gasquet die heuningkwas uithaal om Federer te beskryf nie.
“In my oë is hy onvervangbaar; veral wat die estetiese waarde van sy spel betref. Dit is die hoofrede waarom ek tennis kyk.”
Tog is alles nie meer deesdae net maanskyn en rose vir die 40-jarige Federer op die tennisbaan nie.
Die Switserse tennislegende het onlangs sy soveelste knieoperasie ondergaan en daar is nog onsekerheid oor wanneer hy presies weer by ’n groot toernooi sal afslaan.
Hy is egter nog honger vir sukses en hoewel hy nie deel van die Australiese Ope-aksie sal wees nie, sal hy waarskynlik weer alles in die stryd werp om vir Wimbledon gereed te wees.
“Soos wat ek vir Roger ken, sal hy op sy beste wil wees en speel om te wen,” het Ivan Ljubicic, sy afrigter, vroeër gesê.
The Roger Federer Foundation is so proud to release our calendar for 2022 with all proceeds benefiting @rogerfedererfdn . I want to thank everyone for their support and wish you all a safe and happy holiday season.
Calendars are available now at:https://t.co/pri89r0nPQ pic.twitter.com/QrMmKpubcU
— Roger Federer (@rogerfederer) November 25, 2021
Ek stem nogal saam. Hy is onvervangbaar.
Dit is waar hy speel fantastiese tennis maar niemand is nie vervangbaar nie.
Gasquet se bewondering vir Federer verblind hom vir die feit dat Federer reeds 12 titels ingepalm het voor Novak sy eerste. Novak het dus die Era van die Drie Grotes by verre oorheers.