SA se Paralimpiese atlete presteer

Charl du Toit in aksie. Foto: PETER CZIBORRA/ANA

Suid-Afrika se Paralimpiese atlete het medaljes ingeryg op die Wêreld-para-atletiekkampioenskap in Londen.

Charl du Toit het Sondag sy tweede gouemedalje gewen in die 400 m T37. Du Toit het ook vroeër goud gewen in die 200 m (T37). Hy het ʼn silwermedalje gewen in die 100 m (T37).

Anruné Liebenberg het haar tweede silwermedalje gewen in die 400 m T47. Sy het ook silwer gewen in die 200 m (T47). Manie Blom het ʼn gouemedalje losgegooi in die diskus-items (F12).

Du Toit het die Afrika-rekord verbeter met sy 51 sekondes. Du Toit het die Wêreld-para-atletiekkampioenskap se rekord wat twee jaar gelede opgestel is net-net misgeloop.

Blom het ʼn kamioenskaprekord opgestel met sy gooi van 51,16 m. Kerwin Noemdo was die enigste ander Suid-Afrikaner wat Sondag, op die laaste dag van die kampioenskap, in aksie was. Hy het negende geëindig in die diskus-items (F46).

Suid-Afrika het 15 medaljes (5 goud, 8 silwer en 2 brons) op die kampioenskap verower en algeheel tiende op die medaljeranglys geëindig. China was eerste met 65 medaljes, die VSA tweede met 59 medaljes en Brittanje derde met 39 medaljes.

Suid-Afrika se ander medaljewenners:

Dyan Buis – Goud in die 200 m (T38), goud in die 400 m (T38)

Ndodomzi Ntutu – Silwer in die 100 m (T12)

Ntando Mahlangu – Silwer in die 200 m (T42)

Reinhardt Hamman – Silwer in die spiesgooi (F38)

Ilse Hayes – Silwer in die 100 m (T13) en silwer in die 200 m (T13)

Arnu Fourie – Brons in die 200 m (T44)

Ntombizanele Situ – Brons in spiesgooi (F54)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.